बाबर आजमले दिए पाकिस्तानको क्रिकेट टीमको कप्तानबाट राजीनामा

काठमाडौँ – बाबर आजमले पाकिस्तानको राष्ट्रिय क्रिकेट टीमको कप्तानबाट राजीनामा दिएका छन्।

उनले बुधबार सामाजिक सञ्जालमार्फत विज्ञप्ति जारी गर्दै पाकिस्तानको क्रिकेट टीमको कप्तानबाट राजीनामा दिएको जानकारी गराएका छन्।

उनले टेष्ट, एकदिवसीय र टी–२० तीनवटै फर्म्याटको कप्तानी छाडेका हुन्। भारतमा जारी एकदिवसीय विश्वकपमा पाकिस्तानले खराब प्रदर्शन गरेपछि बाबरको कप्तानीमाथि प्रश्न उठेको थियो।

पाकिस्तानले समूह चरणका ९ मध्ये ४ खेल मात्रै जितेको थियो।