गलकोट नगरपालिका बाँसखोला को जंगलमा लडेर एक जना को मृत्यु

गलकोट नगरपालिका वडा नम्बर ९ मा एक जना महिलाकोे लडेर मृत्यु भएको छ । 

गलकोट नगरपालिका वडा नम्बर ९ बाँसखोलाको पाण्डु केशरी जंगलमा एक जना स्थानीय महिलाको लडेर मृत्यु भएको हो  । गलकोट नगरपालिका वडा नम्बर ९ का ६६ वर्षीय विन कुमारी गौतमको लडेर मृत्यु भएको हो । 

गौतम शुक्रबार दिउँसो करिब १२ बजेको समयमा जंगलमा तरुल खोज्न जान्छु भन्दै गएको र साँझ हुँदा सम्म पनि घर नफर्किए पछि गाउँका मानिसहरु खोज्न जाँदा बेलुका करिब ९ बजेको समयमा मृत अवस्थामा फेला परेपछि प्रहरीलाई खबर गरेका थिए । 

गौतमको बाटोबाट करिब ४० मिटर तल पल्टिएर मृत्यु भएको ईलाका प्रहरी कार्यालय हरीचौरले जनाएको छ । 

गौतमको शव अहिले गलकोट नगर अस्पताल हरिचौरमा पोष्टमार्टमको लागि लगिएको छ । 

त्यस्तै घटनाको बारेमा थप अनुसन्धान भइरहेको प्रहरीले जनाएको छ ।