गलकोट हटिया को बतासेडाँडामा मोटरसाईकल दुर्घटना युवकको ज्यान गयो

गलकोट नगरपालिका वडा नम्वर ३ हटियाको बतासेडाँडामा मोटरसाईकल दुर्घटना हुँदा १ जनाको ज्यान गएको छ ।

गएराति नरेठाँटीबाट हटिया बजार तर्फ हटिया आउँदै गरेको ग ८ प १२२५ नम्वरको मोटरसाईकल गएराती मध्यपहाडी लोकमार्ग स्थित बतासेडाँडामा दुर्घटना परेको थियो ।परियारको घटनास्थलमै ज्यान गएकाे इलाका प्रहरी कार्यालय गलकाेटले जनाएको छ ।

दुर्घटनामा गलकोट नगरपालिका वडा नम्वर ३ हटिया बजारका अन्दाजी २८ वर्षिय गणेश परियारको घटनास्थलमै मृत्यु भएको ईलाका प्रहरी कार्यालय गलकोटले जनाएको छ ।

मृतकको शव पोष्टपार्टमको लागि गलकोट नगर अस्पतालको शव गृहमा लगिएको प्रहरीले जनाएको छ । मृतक परियार हटिया बजार स्थित गलकोट मोटरसााईकल रिपेरिङ सेन्टरका सञ्चालक रहेको प्रहरीले बताएको छ ।

दुर्घटनाको कारण भनें खुल्न नसकेको प्रहरीले जनाएको छ ।