काठेखोलामा पिकअप जिप दुर्घटना हुदा गलकोटका ४ जना घाईते

काठेखोला गाउँपालिका वडा नम्वर १ पाटामा पिकअप जिप दुर्घटना भएको छ । 

गलकोट नगरपालिका वडा नम्वर ३ हटियाबाट बागलुङ बजार जादैँ गरेको प्रदेश ३—०१—०२३ च ८६२५ नम्वरको पिकअप जिप मध्यपहाडि लोकमार्गमा बिहान १० बजे दुर्घटना हुदा चालक सहित ४ जना घाईते भएका छन् । 

जिपको अचानक ब्रेक फेल भई मध्यपहाडि लोकमार्गबाट करिब १० मिटर तल खस्दा गलकोट नगरपालिका वडा नम्वर ३ का ५२ वर्षिय नितु श्रेष्ठ, ५७ वर्षिय विरबल श्रेष्ठ, ५९ वर्षिय कृष्ण श्रेष्ठ र चालक २६ वर्षिय अभिषेक श्रेष्ठ घाईते भएको जिल्ला प्रहरी कार्यालय बागलुङका सुचना अधिकारी मदन केसीले जानकारी दिनुभयो । 

घाईतेहरुको अहिले धौलागिरी अस्पताल बागलुङमा उपचार भईरहेको र घाईतेहरुको अवस्था सामान्य रहेको जिल्ला प्रहरी कार्यालय बागलुङले जनाएको छ ।